朋友的啟示

朋友 - 對我,很重要. 朋友對我好,我會對佢更好.就這麼簡單.朋友有事入醫院?要訴苦?要去花天酒地?只要有什麼需要,我文少在所不辭.要幫忙,要support,要撐你,我第一個企起身.要take credit?唔係我作風,一句'在心中'已經代表我想講嘅. 婆媽野?從來都唔需要多講.

我性格奇怪,好多人都知.我口多,我口衰,冇句好野?我幾時講真同講笑,熟我嘅人或仲記得我份人係點嘅,一定分得出.我唔覺得對待朋友需要改變,我純粹以真心對待朋友.

我對朋友係點,只要你用心對過我好,我呢一世都唔會變.

好喇,要怪我,覺得我comment得直接?覺得我講野唔分輕重?口賤?不如先想想自己係咪改變左?做人當然要成長,會將自己expectation拉高.但係請撫心自問,有冇對身邊朋友的要求也拉高了?有的話,要疏遠悉取尊便. 'friends comes and goes',大家都知係乜野一回事,no big deal.

要數我做錯,只係講左一個joke,我唔覺得係我'不分輕重,影響朋友身份,唔尊重朋友'吧?口口聲聲說很著緊我,疼我,但當我有難時,在我身邊的就是我的好兄弟們,所謂buddy,好朋友們呢?我可曾要乞求援手?直至今時今日,我都會繼續用心對待我的朋友們,無論中間有多少誤會.

這陣子,聽到最窩心的,還是那句: 見你終於找到一份適合你嘅工作,能將你能力好好發揮,再能找到配音這個新挑戰,從心底凳你高興.

第一次錄音casting

第一次casting冇預期咁緊張，或者因為上堂都要入錄音室嘅關係，又多得師傅堂上嘅教導，令我開始慢慢習慣個環境。多得多位前輩在場同師姐從旁教導，真係獲益良多。只係一晚就能夠發現好多野，借呢個機會同大家分享下:

• 去一d pro嘅studio係唔使帶自己部耳機架~~ 不過我情願人地笑我傻仔都好過冇帶 ‘開工三寶’ 。最多袋住佢~~
• 原來自己緊張係會自然chok聲架，有待改善~~
• 原來自己講野歪咀會影響發聲，所以exercise要多做郁咀動作
• 感覺配真人雖然多野要兼顧，但因為多咗氣氛同環境影響，我覺得相對比配卡通片更易入戲
• 原來配反應聲好難架~~~尤其被打個陣d反應聲如果唔用力會好似呻吟(仲比人話似配三級片~~~) 唔知企起身配會唔會有力d呢?
• 原來專業配音員上身真係好震撼，第一句對白要大聲鬧人都完全話入就入，希望自己有朝一日都可以做得到
• 了解到‘食聲’原來係一件乜野一回事
• 原來配音世界好特別，好多新奇同刺激等你去發掘，我已經好期待下一次入錄音室配音或試音
• 原來我已經不知不覺中咗毒…

'那誰沒有下次' - 甚腰潤的一首歌

朋友話呢首歌好聽係因為d詞好. 我覺得加左梁祖堯同卓韻芝令首歌更腰潤.

RubberBand SimpleLoveSong MV (HD)